ირაკლი სიმონიას ნაშრომი ოქსფორდის პლანეტარულ ენციკლოპედიაში, ერთ-ერთ პრესტიჟულ სამეცნიერო გამოცემაში, დაიბეჭდა
ილიას სახელმწიფო უნივერსიტეტის პროფესორის, ირაკლი სიმონიას ნაშრომი „მთვარე და პლანეტები შუა საუკუნეების საქართველოში“ ოქსფორდის პლანეტარულ ენციკლოპედიაში დაიბეჭდა. ეს გამოცემა ერთ-ერთი ყველაზე პრესტიჟული სამეცნიერო გამოცემაა. სტატია მთვარისა და პლანეტების შესახებ ცოდნას ეხება ძველ და შუა საუკუნეების საქართველოში. იმ ეპოქაში მთვარე ადამიანს დროსა და სივრცეში ორიენტირებაში ეხმარებოდა. ავტორი წერს მთვარის მოძრაობის, ციკლებისა და ფაზების შესახებ არსებულ წარმოდგენებზე. ის ასევე განმარტავს პლანეტების სახელწოდებებს და გვთავაზობს ნაკლებად შესწავლილი ფაქტებისა და ტერმინების ახლებურ ინტერპრეტაციებს. ნაშრომში წარმოდგენილია ახალი იდეები და პროექტები, რომლებიც შემდგომი კვლევის შესაძლებლობებს უკავშირდება.
წყარო: ილიას სახელმწიფო უნივერსიტეტი · ორიგინალი ამბავი